Թուրքիան շուտով կսկսի պատվաստումները ռուսական Sputnik V պատվաստանյութով

Մոտ ժամանակներս Թուրքիան կսկսի կիրառել ռուսական Sputnik V պատվաստանյութը նոր տիպի կորոնավիրուսային վարակի դեմ: Այս մասին հինգշաբթի հայտարարել է երկրի առողջապահության նախարար Ֆահրեթթին Քոջան. հայտնում է Anadolu-ն:

Գերատեսչության ղեկավարը նաև նշել է COVID-19-ով վարակվածության մակարդակի նվազման մասին`չնայած ամեն օր դեպքերի բարձր մակարդակին:

Անդրադառնալով Թուրքիայում COVID-19-ի դեմ տեղական պատվաստանյութերի արտադրության ուղղությամբ տարվող աշխատանքներին`Քոջան նշել է, որ այս ոլորտում 7 նախագծի իրականացման գործում զգալի առաջընթաց է գրանցվել: Նա նշել է, որ դրանք կօգնեն ընդլայնել Թուրքիայի ներդրումը համաճարակի դեմ պայքարում:

Նա, մասնավորապես, հայտնել է, որ Թուրքիան սկսում է իր երրորդ` ոչ ակտիվացված թեկնածու-պատվաստանյութի առաջին փուլի փորձարկումները: