Թուրքիան թույլատրել է ռուսական Sputnik-V պատվաստանյութը. Էրդողանը հայտնել է, որ շուտով կսկսվի մատակարարումը

Թուրքիայի նախագահ Ռեջեփ Թայիփ Էրդողանը հայտարարել է, որ պատրաստ է քննարկել Sputnik-V պատվաստանյութի մատակարարման հարցն իր ռուս գործընկեր Վլադիմիր Պուտինի հետ:

Թուրքիայի ղեկավարը Ստամբուլում ուրբաթօրյա աղոթքից հետո պատասխանել է լրագրողների հարցերին. հաղորդում է Anadolu-ն:

Ըստ Էրդողանի՝ ռուսական կողմի հետ բանակցություններից հետո, Sputnik-V պատվաստանյութի մատակարարումները Թուրքիա կսկսվեն մոտ ապագայում:

Ռուսաստանի ուղղակի ներդրումների ֆոնդը հայտնել է, որ Թուրքիան հավանություն է տվել ռուսական պատվաստանյութի կիրառմանը՝ դառնալով 63-րդ պետությունը, որը կիրառում է այն։

Օրեր առաջ էլ Թուրքիայի առողջապահության նախարար Ֆահրեթթին Քոջան հայտնել էր, որ ներկրվելու է 50 մլն խմբաքանակ։