Երևանի քաղաքապետարանը «վավերացրել է» Արցախի 75%-ի բռնակցումն Ադրբեջանին

Երևանի քաղաքային իշխանությունները «Ռեսո» ապահովագրական ընկերության միջոցով արդեն «վավերացրել են» Արցախի 75%-ի դավաճանական հանձնումն Ադրբեջանին:

Երևանում տեղադրված վահանակների վրա նշված ապահովագրական ընկերության ներկայացրած գովազդային պաստառում պատկերված է ՀՀ-ն, իսկ Արցախը ներկայացված է նոյեմբերի 9-ի դավաճանական հայտարարությամբ ամրագրված տարածքներով, առանց ազատագրված 7 շրջանների, առանց Հադրութի շրջանի, Շուշիի և այն բնակավայրերի, որոնք պատերազմի օրերին և դրանից հետո անցան ադրբեջանական վերահսկողության տակ:

Բնականաբար՝ գովազդային վահանակները տեղադրվում են Երևանի քաղաքապետարանի և վարչական շրջանների ղեկավարության գիտությամբ և թույլտվությամբ: Ստացվում է՝ ինչպես «Ռեսոյի» ղեկավարությունը, այնպես էլ Երևանի քաղաքային իշխանությունները համաձայն են Փաշինյանի և նրա հայրենադավ խունտայի ներկայացուցիչների այն դավաճանական հայտարարությունների հետ, ըստ որոնց՝ Շուշին եղել է ադրբեջանական քաղաք, Քարվաճառը՝ ադրբեջանական շրջան և այլն, և այլն:

Վ. Սարգսյան