Ուրիշ ու՞մ վերաբերվող փաստաթղթեր էին դրված այս կարմիր թղթապանակում. Բագրատ Եսայան

ՀՅԴ անդամ, ԿԳ նախկին փոխնախարար Բագրատ Եսայանը գրում է.

«Շատերդ եք հիշում հունվարի 16-ին Միքայել Մինասյանի հրապարակած՝ Օմեգա ծածկանունով կրկնակի գործակալի մասին այս փաստաթուղթը։ Ազգային անվտանգության, ինքնապահպանման բնազդը կորցրած մեր հասարակությունը, կարելի է ասել, չարձագանքեց։ Պատկան մարմինները, բացի անհոդաբաշխ հերքումից, նույնպես որևէ գործողություն չձեռնարկեցին։ Սա այն դեպքում, երբ պատերազմի մեջ գտնվող երկրի 2-րդ պաշտոնատար անձը, ի պաշտոնե Ազգային Անվտանգության Խորհրդի անդամը, հրապարակայնորեն մեղադրվեց թշնամի երկրի գործակալ լինելու մեջ։ Այլ հարց է նաև, թե ինչու և ինչպես տվյալ անձի ներկայացրած քաղաքական ուժը «հեղափոխություն» արեց մեր երկրում, որից «անտեղյակ» էր նրան հավաքագրած ԱԱԾ-ն։

 

Հիմա ինձ, վստահ եմ նաև ձեզնից շատերին հետաքրքիր է մի ուրիշ հարց։ Ուրիշ ու՞մ վերաբերվող փաստաթղթեր էին դրված այս կարմիր թղթապանակում և, եթե դրանք կարևոր են մեր երկրի իրական ճգնաժամի խորությունը հասկանալու համար, ինչու՞ դրանք չեն հրապարակվել նախորդ 4 ամիսների ընթացքում»։