Աքսորն ուրիշ բան է, կոտորածն` ուրիշ, այդ ո՞ւմ եք ուզում խաբած լինել. Էրդողան

Թուրքիայի նախագահ Ռեջեփ Թայիփ Էրդողանն արձագանքել է Ֆրանսիայի` ապրիլի 24-ը որպես Հայոց ցեղասպանության զոհերի հիշատակի օր նշելուն: «Ոչ մի խմբավորում կամ պետություն չի կարող արխիվներով ապացուցել Թուրքիայի հասցեին մեղադրանքները: Մուսուլմանների կոտորող Ֆրանսիան չի կարող Թուրքիային դաս տալ: Աքսորն այլ բան  է, կոտորածն` այլ: Այդ ո՞ւմ եք ուզում խաբած լինել»,- Էրդողանի խոսքերն է մեջբերում Sputnik-ի թուրքական ծառայությունը:

Բաշթեփեում  Արխիվների զարգազման, թվայնացման և պատմական հետազոտությունների ներդրման գիտաժողովում ելույթի ժամանակ Թուրքիայի նախագահը նշել է. «Հայկական հարցի և ահաբեկչության դեմ պայքարի վերաբերյալ Թուրքիային ժողովրդավարության և մարդու իրավունքների դասեր տվողները ունեն արյունոտ անցյալ: Մենք երբեք ներգրավված չենք եղել ցեղասպանությունների, կոտորածների և բռնությունների մեջ և շատ անգամ մենք ենք զոհ եղել: 25 տարի առաջ Ռուանդայում 800 հազար մարդու սպանողները ֆրանսիացիներն են: Իսկ հիմա վեր են կենում ու մեզ դաս տալիս: Ի՞նչ դաս եք տալիս»:

Էրդողանը նաև հավելել է, որ դեռևս ոչ մի խմբավորում և պետություն արխիվային փաստաթղթերով չի կարողացել ապացուցել Հայոց ցեղասպանությունը: