Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
ԱՄՆ պետդեպարտամենտի հրապարակած «Երկրների՝ 2020 թ. մարդու իրավունքների պաշտպանության զեկույց. Հայաստան» զեկույցում նշվել է անցած տարում Հայաստանում գրանցված հակասեմականության (ազգային և կրոնական անհանդուրժողություն հրեաների նկատմամբ) աճի մասին։
Ըստ զեկույցի՝ Հայաստանում հրեաների թիվը 500-1000 է. մինչև աշուն՝ Ադրբեջանի հետ մարտերը, հակասեմականության մասին հաղորդումներ չեն ստացվել, թեև սոցցանցերում գրանցվել են նմանատիպ գրառումներ՝ ուղղված կառավարության անդամներին։
«Աշնանը տեղի ունեցած պատերազմը խթանել է հակասեմականության աճը. ըստ հրեական համայնքի ներկայացուցիչների և այլ դիտորդների` դա կապված է Ադրբեջանի կողմից լայնորեն կիրառվող իսրայելական զենքի հետ։ Ըստ հրեական համայնքի ներկայացուցիչների և այլ դիտորդների՝ հակասեմական գրառումների թիվն աճել է»,– նշվում է զեկույցում։
Զեկույցը նաև հիշատակել է հայ–հրեական ողբերգությանը նվիրված հուշարձանի վրա ներկ լցնելու դեպքը (կարմիր ներկ էր լցվել միայն հրեական հատվածի վրա)։