Ապաշրջափակման հարցում Երեւանի ու Բաքվի շահերի միջեւ հավասարության նշան դնելը էժանագույն պոպուլիզմ է. Վահե Դավթյան

Ավանտյուրիստի տհաս լսարանը չի կարող գիտակցել, որ տրանսպորտային ապաշրջափակման հարցում Երեւանի ու Բաքվի շահերի միջեւ հավասարության նշան դնելը տգիտության ու էժանագույն պոպուլիզմի դրսեւորում է․ ֆեյսբուքյան իր էջում գրել է Էներգետիկ անվտանգության ինստիտուտի ղեկավար, էներգետիկ անվտանգության փորձագետ, քաղաքական գիտությունների դոկտոր Վահե Դավթյանը:

«Արագած համայնքում այսօր անցկացված թուրք-ադրբեջանական պրոպագանդայի շրջանակներում Ավանտյուրիստը հայտարարել է, որ չենք կարող Ադրբեջանի տարածքով մենք ճանապարհ ստանալ, իսկ իրենք մեր տարածքով՝ ոչ:

Ավանտյուրիստը, ինչպես բազմիցս համոզվել ենք, ոչ միայն չի պատկերացնում տարածաշրջանի քաղաքական քարտեզը, այլեւ չունի տարրական հաշվարկ անելու ունակություն: Այլապես թուրք-ադրբեջանական պրոպագանդայի արդյունավետության բարձրացման համար կփորձեր այլ թեզեր կիրառել:

Ավանտյուրիստը շարունակում է շփվել բացառապես իր՝ կրթական չափազանց ցածր ցենզ ունեցող անհայրենիք լսարանի հետ: Այդ լսարանը դժվար թե հասկանա, որ Հայաստանի տարածքով թուրք-ադրբեջանական տրանսպորտային հաղորդակցության հաստատումը ռազմավարական նշանակություն ունի բացառապես Բաքվի ու Անկարայի համար: Մինչդեռ Ավանտյուրիստի կողմից առաջ քաշված Նախիջեւանով՝ Ռուսաստան երթուղին լոգիստիկ առումով աբսուրդային է, անհեթեթ (այս ամենին բազմիցս հանգամանորեն անդրադարձել եմ, կարիք չկա կրկնվելու):

Ավանտյուրիստի տհաս լսարանը չի կարող գիտակցել, որ մշակվող տրանսպորտային-լոգիստիկ լուծումների շրջանակներում Երեւանի ու Բաքվի շահերի ու հեռանկարների միջեւ հավասարության նշան դնելը տգիտության ու էժանագույն պոպուլիզմի դրսեւորում է»,- գրել է Դավթյանը: