Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ազգային ժողովի փոխնախագահ Էդուարդ Շարմազանովն այսօր խորհրդարանում լրագրողների հետ զրույցում հայտարարեց, որ սահմանին տեղի ունեցող դիվերսիաների և մարդկային զոհերի պատասխանատվությունը բացառապես ընկնում է Ադրբեջանի իշխանությունների վրա: Նրա խոսքով` ադրբեջանցիները մերժում են խաղաղ կարգավորման ցանկացած բանական առաջարկ:
«Վերջին ամիսների հետ համեմատած` վերջին շաբաթվա ընթացքում վիճակը սահմանին իսկապես լարված է: Մեզ համար յուրաքանչյուր զինվորի կորուստ մեծ է: Միջազգային հանրությունը պետք է խստագույնս դատապարտի, ոչ թե հավասարության նշան դնի: Պետք է գործով դատապարտի Ադրբեջանի վարած քաղաքականությունը, արհամարհական և լկտի պահվածքը, երբ ԵԱՀԿ նախարարները հանդես են գալիս հայտարարությամբ, որ խնդիրը պետք է ունենա բացառապես խաղաղ կարգավորում, և դրանից մեկ-երկու օր անց Ադրբեջանը նմանատիպ պատասխան է տալիս: Սա մարտահրավեր է ոչ միայն Հայաստանին, Ղարաբաղին, այլ նաև հենց միջնորդ երկրներին»,- ասաց Շարմազանովը: