Թուրքիան նպատակ ունի ստեղծել սեփական անկախ պաշտպանական արդյունաբերությունը

Թուրքիան կշարունակի վստահորեն շարժվել դեպի լիովին անկախ պաշտպանական արդյունաբերություն ներքին համակարգերի և տեխնոլոգիաների նախագծման, զարգացման ու արտադրության մեջ վճռական քայլերի միջոցով: Այս մասին ասվում է Անկարայում անցկացված՝ երկրի պաշտպանական արդյունաբերության գործադիր կոմիտեի նիստի մասին՝ Թուրքիայի նախագահի աշխատակազմի հասարակայնության հետ կապերի վարչության հաղորդագրության մեջ:

Թուրքիայի նախագահ Ռեջեփ Թայիփ Էրդողանի նախագահությամբ կայացած հանդիպման ընթացքում քննարկվել են երկրի զինված ուժերը նոր սպառազինական համակարգերով զինելու խնդիրները:

«Դրա շրջանակներում տարբեր ծրագրեր են հստակեցվել կապի և տեղեկատվական համակարգերի, զինամթերքի և հրթիռների, տարբեր հարթակների, արդիականացման և նոր տեխնոլոգիաների համար»,- ասվում է հայտարարության մեջ:

Հանդիպման մասնակիցները նշել են նաև, որ Թուրքիայի պաշտպանական արդյունաբերությունը «ենթարկվում է և՛ բացահայտ, և՛ ենթադրյալ էմբարգոյի»: