Կասկադյորական վթար՝ Աշտարակի խճուղում. BMW-X5-ը բախվել է երկաթե ցանկապատին, բարձրությունից ընկել ու շրջվել

Երեւանում փետրվարի 28-ին՝ ժամը 22:50-ի սահմաններում, Արարատի մարզի բնակիչ՝ 42-ամյա Ալվարդ Վարդանյանը իր վարած BMW-X5 մակնիշի ավտոմեքենայով Աշտարակի խճուղուց դեպի Հալաբյան փողոց ընթանալիս, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել ճանապարհին տեղադրված երկաթե ճաղավանդակներին, կոտրել դրանք և, մոտ 4 մետր բարձրությունից ընկելով, կողաշրջված վիճակում հայտնվել երթևեկելի գոտուց դուրս:

Shamshyan.com-ի  հաղորդմամբ՝ վթարի հետևանքով վարորդը տեղափոխվել է «Արմենիա» բժշկական կենտրոն, որտեղ բուժօգնություն ստանալուց հետո բժիշկներին հայտնել է, որ հրաժարվում է հիվանդանոցում մնալուց, քանի որ իրեն լավ է զգում: