Ադրբեջանում գազի պաշարները կբավականացնեն 120 տարի. Fitch Ratings և BP

Հաշվի առնելով 2020-ի սկզբին բնական գազի արտահանման մակարդակը՝ Ադրբեջանի բնական գազի պաշարները կբավականացնեն ևս 120 տարի: Սա Fitch Ratings-ի և BP-ի համատեղ հաշվարկների արդյունքն է․ հայտնում է ադրբեջանական ԱՊԱ գործակալությունը::

Միջազգային գործակալությունը նշում է, որ, ըստ այդ ցուցանիշի, Ադրբեջանը համաշխարհային առաջատարներից է՝ զիջելով միայն Քաթարին: Ըստ Fitch-ի՝ երկրի գազի պաշարները 2019-ին կազմել են համաշխարհային պաշարների 0.8%-ը:

Հաշվի առնելով արտադրությունը, գազի պաշարների տեսանկյունից, Ղազախստանը գտնվում է մոտավորապես նույն մակարդակին, ինչ Ադրբեջանը։

Հիշեցնենք, որ 2019 թվականին Ադրբեջանն արտահանել է 37,14 միլիարդ խորանարդ մետր, 2020 թվականին՝ 35,6 միլիարդ խորանարդ մետր գազ: