Սև ծովում գազի պաշարները 45 տարի կբավարարեն աշխարհի կարիքները. Յըլդըրըմ

Սև ծովի էներգետիկական պաշարները բավարար են բնական գազի համաշխարհային պահանջարկը 45 տարի շարունակ ծածկելու համար. հայտարարել է Թուրքիայի իշխող «Արդարություն և զարգացում» կուսակցության (AKP) փոխնախագահ, նախկին վարչապետ Բինալի Յըլդըրըմը։

«Սև ծովի բնական գազի պաշարներն այժմ գնահատվում են 540 միլիարդ խորանարդ մետր: Սա դեռ սկիզբն է, կլինի շարունակություն: Սև ծովն ի վիճակի է ծածկել կապույտ վառելիքի աշխարհի պահանջարկը 45 տարի»,- թուրքական ԶԼՄ-ները մեջբերում են Յըլդըրըմի խոսքերը։

Թուրքիայի իշխանությունները 2020 թվականին հայտարարեցին Սև ծովում գազի մեծ պաշարներ հայտնաբերելու մասին։ Ամենամեծ հանքավայրի՝ Սաքարիայի պաշարները, ըստ հաղորդումների, գերազանցում էին 400 միլիարդ խորանարդ մետրը:

Թուրքիայի էներգետիկայի և բնական պաշարների նախարար Ֆաթիհ Դյոնմեզը մայիսյան «Criteria» ամսագրին տված հարցազրույցում ասել է, որ նախատեսվում է սկսել այս հանքավայրի շահագործումը 2023 թվականի սկզբին և գազի արդյունահանումը հասցնել օրական 40 միլիոն խորանարդ մետրի: