ՏԵՍԱՆՅՈՒԹ․ Փաշինյանն ուզում է չվնգստացող դատավորներին վնգստացողներով փոխարինել․ Գևորգ Պետրոսյան

Փաշինյանն ուզում է չվնգստացող դատավորներին վնգստացողներով փոխարինել՝ ըստ Yerkir.am-ի հայտարարեց ԲՀԿ խմբակցության պատգամավոր Գևորգ Պետրոսյանը ԱԺ դիմաց բողոքի ակցիայի ժամանակ։

Նա նշեց, որ Նիկոլ Փաշինյանը որ օղակից բավարարում չի ստանում, այդ օղակն ուզում է փոփոխության ենթարկել։

«Հիմա համոզվեց, որ կան դատավորներ, որոնք վնգստացող չեն, ուզում է չվնգստացող դատավորներին վնգստացողներով փոխարինել»,-նշեց Գևորգ Պետրոսյանը։

Նա նկատեց, որ նույն քրեական օրենսգրքով, նույն հոդվածներով գործերը քննվելու են:

«Հիմա ի՞նչ  տարբերություն, թե որ դատավորն է քննելու, կարո՞ղ է այդ դատավորը նոր քրեական օրենսգիրք է ստեղծելու, ո՛չ: Այսինքն, այստեղ կա միայն մեկ ցանկություն, որ իր համար չվնգստացող դատավորներին փոխարինի վնգստացողներով: Սա է ամբողջ ճշմարտությունը»,-ասաց Գևորգ Պետրոսյանը:

Նրա մոտ հարց է առաջանում՝ էդ ովքե՞ր են ավելի պրոֆեսիոնալ մարդիկ, որոնք ավելի մասնագիտացված մոտեցում պետք է ցուցաբերեն:

«Ոնց որ իրենց նորաթուխները, որ վկայականը կորցնի, չի հիշի, թե ինչ է աշխատում, էդ նույն ձեւով բերելու են դատավորներին՝ անփորձ, անբան՝ կարգեն դատավոր, որ ասեն՝ ա՛յ տղա, սենց ա: Նիկոլ Փաշինյանը հենց առաջին օրը խոստովանեց, երբ ասաց՝ էդ ո՞ր դատավորն է, որ իմ ասածը կարա չանի»,-ասաց ԲՀԿ պատգամավորը:

Նա նկատեց, որ առաջարկում են, որ լինի խափանման միջոց որոշող դատարան։

«Ես էլ նույն հաջողությամբ կասեմ՝ խուզարկություն որոշող դատարան, առգրավում որոշող դատարան․․․ Ամեն մի քննչական գործողության համար չպետք է նոր դատարան ստեղծեն»,-ասաց Գեւորգ Պետրոսյանը:

Նշենք, որ կառավարությունը օրենքի նախագիծ է ներկայացրել ԱԺ, ըստ որի խափանման միջոց ընտրելու գործերը պետք է քննեն հատուկ այդ հարցերում մասնագիտացած առանձին դատավորներ: Հայրենիքի փրկության շարժման անդամները ԱԺ դիմաց բողոքի ակցիա են իրականացնում։

Մանրամասն՝ տեսանյութում․