կարևոր
2737 դիտում, 11 ամիս առաջ - 2023-05-05 17:14
Քաղաքական

Միակ բանը, որ արել են դատավճիռների հետ կապված, այն է, որ բոլոր դատավորներին գլխատել են. Գևորգ Դանիելյան

Միակ բանը, որ արել են դատավճիռների հետ կապված, այն է, որ բոլոր դատավորներին գլխատել են. Գևորգ Դանիելյան

Իրավաբան, արդարադատության նախկին նախարար Գևորգ Դանիելյանը գրում է.

«Ըստ լրատվության՝ թուրքիայի խորհրդարանի նախագահը, հայկական ավիաընկերությունների համար օդային տարածքը փակելը պատճառաբանել է Նեմեսիսի հուշակոթողի բացմամբ: Այս ցինիզմը կշարունակվի այնքան ժամանակ, քանի դեռ պաշտոնապես թուրք բարձրաստիճան չինովնիկներին չեն տրվի առնվազն հետևյալ պարզաբանումները՝

ա) Նեմեսիսի մասնակիցները ոչ միայն չեն դատապարտվել, այլև արդարացվել են, այդ թվում՝ Սողոմոն Թեհլերյանը,

բ) զոհված բոլոր թուրք պաշտոնյաները, այդ թվում՝ թալեաթը, 1919-21 թթ. հենց թուրքական զինվորական տրիբունալների կողմից դատապարտվել են մահապատժի՝ էթնիկ շարժառիթներով զանգվածային բնաջնջումներ կազմակերպելու և իրացնելու մեղադրանքով: Կոնկրետ թալեաթը Գերմանիայում է թաքնվել՝ կեղծված անձնագրով, ներկայանալով իբրև Ալի Բեյ,

գ) թուրքական իշխանությունները, անտեսելով իրենց դատական ատյանների երբևէ չբեկանված դատավճիռները, շարունակում են հերոսացնել ոճրագործներին, անվանակոչում են բազմաթիվ մշակութային հաստատություններ, պողոտաներ և այլն: Վերջերս անգամ առաջարկել էին Հայաստան-թուրքիա դեռևս չբացված անցակետը անվանակոչել թալեաթի անունով: Ընդ որում, 1930-31 թթ. միակ բանը, որ արել են դատավճիռների հետ կապված, այն է, որ բոլոր դատավորներին գլխատել են...»։