Չինաստանում հայտնաբերվել է կորոնավիրուսով վարակման նոր էպիկենտրոն

Չինաստանում անցած օրվա ընթացքում հայտնաբերվել է COVID-19 կորոնավիրուսով վարակման 118 նոր դեպք, որոնցից 106-ը գրանցվել է երկրի ներսում: Այս մասին հաղորդել Է ՉԺՀ-ի առողջապահության պետական կոմիտեն:

Կորոնավիրուսային վարակի հետ կապված հիվանդություններից մահվան դեպք չի գրանցվել:

Հունվարի 17-ին հայտնաբերվել են 109 նոր վարակվածներ, երկրի ներսում՝ 93, մահվան դեպք չի եղել: Հունվարի 18-ին վարակման ներքին դեպքերի նոր Էպիկենտրոն է դարձել Ցզիլինի հյուսիսարեւելյան նահանգը, որտեղ գրանցվել է վարակվածների թվի աճ:

Անցած օրվա ընթացքում հայտնաբերվել է 43 նոր հիվանդ այն դեպքում, երբ հունվարի 17-ին գրանցվել Է 30-ը: Ավելի վաղ առավել սուր իրադրություն է դիտվել երկրի Հեբեյի արեւելյան նահանգում:

Վերջին օրվա ընթացքում Հեբեյում հայտնաբերվել է 35 նոր հիվանդացած (բոլորն Էլ նահանգի վարչական կենտրոն Շիցզյաչժուան քաղաքում) այն դեպքում, երբ մեկ օր առաջ գրանցվել է վարակման 54 նոր դեպք, (52-ը՝ Շիցզյաչժուանում):

Այն բանի առնչությամբ, որ Հեբեյի տարածքում Է գտնվում Պեկինը, մայրաքաղաք մուտքի սահմանափակում է մտցվել նահանգի այն շրջանների բնակիչների համար, որտեղ ստեղծվել է համաճարակաբանական ոչ բարենպաստ իրադրություն: Անցած երկուշաբթի օրը վարակման 27 «ներքին» դեպքեր են հայտնաբերվել նաեւ Ռուսաստանի հետ սահմանակից Հեյլունցզյանի նահանգում, մեկը՝ Պեկինում: Ընդամենը Չինաստանում համավարակի սկսվելուց ի վեր Երեւանի ժամանակով հունվարի 17-ի ժամը 01:00-ի դրությամբ գրանցվել է կորոնավիրուսով վարակման 88 հազար 454 դեպք, մարացել է 4635 մարդ, ապաքինվել Է ավելի քան 82,4 հազարը, հաղորդել է «Ինտերֆաքս»-ը: