Չինաստանում մեկ օրում հայտնաբերվել է կորոնավիրուսով վարակման 7 նոր դեպք

Չինաստանում մեկ օրում գրանցվել է  կորոնավիրուսով վարակման 7 նոր դեպք. դրանց թվում վեցը տեղական է, իսկ մեկը բերվել է արտասահմանից: Չինաստանի Հիգիենայի և առողջապահության հարցերով պետական կոմիտեի չորեքշաբթի հրապարակված հայտարարության մեջ նշված է, որ ոչ մի մարդ չի մահացել,  և 18 մարդու բուժհաստատություններից դուրս են գրել, հայտնում է ՏԱՍՍ-ը:

Երկրում բոլոր նոր 6 դեպքերը գրանցվել են Ցզիլին նահանգի նույնանուն քաղաքում: Կորոնավիրուսով վարակում է կասկածվում այս նահանգում եւս մեկ մարդու մոտ, սակայն նրա ախտորոշումն առայժմ չի հաստատվել: Հիվանդացածների հետ շփված նվազագույնը 367 մարդ ներկայումս մեկուսացված է եւ բժիշկների հսկողության տակ է:

Արտասահմանից բերված վարակման նոր մեկ դեպքը հայտնաբերվել է Շանհայում: Չինաստանում գրանցված արտասահմանից ներմուծված կորոնավիրուսով վարակման դեպքերի ընդհանուր թիվը հասել է 1692-ի: Ընդ որում՝ 1 628 պացիենտ արդեն հիվանդանոցներից դուրս է գրվել, իսկ 64-ը բուժումը շարունակում է, նրանցից երեքի վիճակը ծանր է: