Այս պահին Երևանում sett-weather
Փոխարժեքներ 28 10 2024
USD ⚊ $ 387.25
EUR ⚊ € 419.2
RUB ⚊ ₽ 4.01
GBP ⚊ £ 502.92
GEL ⚊ ₾ 141.79
կարևոր
0 դիտում, 3 տարի առաջ - 2020-12-06 15:29
Քաղաքական

Պետք է հետ կանչել «Բարձրագույն կրթության և գիտության մասին» ՀՀ օրենքի նախագիծն ԱԺ-ից. ՀՊՄՀ պրոֆեսոր

Պետք է հետ կանչել «Բարձրագույն կրթության և գիտության մասին» ՀՀ օրենքի նախագիծն ԱԺ-ից. ՀՊՄՀ պրոֆեսոր

Խ. Աբովյանի անվան հայկական պետական մանկավարժական համալսարանի պատմության և հասարակագիտության ֆակուլտետի Համաշխարհային պատմության ամբիոնի վարիչ, պ.գ.դ., պրոֆեսոր Խաչատուր Ստեփանյանը գրում է.

««Բարձրագույն կրթության և գիտության մասին» ՀՀ օրենքի նախագիծը, որի փոփոխության վերաբերյալ բազմաթիվ առաջարկներ են հնչել, հապճեպ կարգով 2020 թ. դեկտեմբերի 3-ին որպես անհետաձգելի և չզեկուցվող հարց ընդգրկվել է ՀՀ կառավարության օրակարգում և հավանության արժանացել:
 
Օրենքի նախագիծը, որ շուրջ մեկ տարի շարունակ տարատեսակ և առարկայական քնադատության է արժանանում շահագրգիռ տարբեր շրջանակների կողմից, որևէ լուրջ փոփոխության չի ենթարկվել:
 
Հաշվի չեն առնվել դեռևս մեկ տարի առաջ բարձրացված բուհական ինքնավարության, ակադեմիական ազատության, հայագիտական առարկաների և հետազոտությունների գերակայության, ՀՀ գիտությունների ազգային ակադեմիայի կարգավիճակի վերաբերյալ և այլ կարևոր հարցադրումներ:
 
Փոխարենը նոր վիճարկելի դրույթներ են ներառվել օրենքի «թարմացված» նախագծում: Օրինակ՝ բուհերի ռեկտորների նշանակումը նախարարի կողմից (առանց բուհի ռեկտորի համար պահանջ սահմանելու), որը բուհական ազատության և ինքնավարության ոտնահարման բացառիկ օրինակ է: Մտահոգիչ է բուհի կառավարման 12 հոգիանոց մարմնի կազմում ուսանողության ընդամենը մեկ ներկայացուցիչ ընդգրկելու դրույթը, որով խստորեն սահմանափակվում ի ուսանողության մասնակցությունը բուհի կառավարմանը:
 
Մեր կարծիքով, պետք է ետ կանչել «Բարձրագույն կրթության և գիտության մասին» ՀՀ օրենքի նախագիծը ՀՀ Ազգային Ժողովից:
 
Եվ ընդհանրապես, պատերազմից հետո անհրաժեշտ է վերանայել մեր կրթական աշխարհայացքը, առաջնահերթությունները, մոտեցումները:
 
Կարծում ենք, որ «Բարձրագույն կրթության և գիտության մասին» ՀՀ օրենքի ընդունմանը պետք է նախորդի կրթության մասին հայեցակարգի ընդունումը: Իսկ համապատասխան բոլոր օրենքները բխեն այդ հայեցակարգի տրամաբանությունից»:
 
բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը