Անկարան քննադատել է ԵՄ-ին`Լիբիա ուղևորվող նավը ստուգելու փորձի համար

Անկարան քննադատել է ԵՄ-ին`Լիբիա ուղևորվող նավը ստուգելու փորձի համար:

Նոյեմբերի 23-ին Լիբիայի դեմ զենքի էմբարգոն պահպանելու համար Միջերկրական ծովում գործող գերմանական ռազմածովային ֆրեգատի ստուգող խումբը թուրքական «Ռոզալին Ա» բեռնանավն է բարձրացել: Խուզարկության պատճառը ստացված ահազանգն էր, նավում զենք կա:

Հաղորդվում է, որ դրանից հետո Անկարան դիվանագիտական ուղիներով գերմանացի նավաստիներից պահանջել է անհապաղ լքել նավը, ինչն էլ արվել է: Այնուամենայնիվ, թուրքերը դա բավարար չեն համարել. Իտալիայի և Գերմանիայի դեսպանները կանչվել են Թուրքիայի արտգործնախարարություն, բացի այդ` Անկարան արդեն հայտարարել էր, որ փոխհատուցում է պահանջելու: