Կայք` քաղաքական գործիչների ատենախոսությունները ստուգելու համար

Գերմանիայում նոր PolitPlag կայք է ստեղծվել, որը մասնագիտանալու է միայն քաղաքական գործիչների ատենախոսությունների ստուգման բնագավառում: Կայքի նպատակն է պարզել` գրագողությո՞ւն է դա, թե՞ ոչ։ Կայքի հեղինակն է Մարտին Հայդինգսֆելդերնը, ով VroniPlag Wiki համանման ինտերնետային նախագծի հիմնադիրն է. հայտնում է Лента.ру-ն:

Կայքի ստեղծման գաղափարը կապված է տարբեր կուսակցությունների անդամների գիտական աշխատանքներում գրագողության աղմկահարույց դեպքերի հետ, որոնց բացահայտումը հանգեցրեց նրանց գիտական աստիճանից զրկելուն։ Օրերս այդ պատճառով գիտական աստիճանից  զրկվել է Գերմանիայի կրթության և գիտության նախարար Անետա Շավանին: