Անկարան Աթենքին մեղադրել է ահաբեկման փորձի մեջ

Անկարան Աթենքին մեղադրել է ահաբեկման փորձի մեջ` իր ափամերձ ջրերի վերաբերյալ ռազմածովային նախազգուշացումների հետ կապված:

«Այս հարցը շատ ակտիվ օգտագործվում է մեր հարեւանի կողմից»,- ասել է Թուրքիայի պաշտպանության նախարար Հուլուսի Աքարը: «Դա ոտնձգություն է, որը հակասում է բարիդրացիական հարաբերություններին»:

Հունաստանը եւ Թուրքիան չեն կարող լուծել իրենց տարաձայնությունները Էգեյան եւ Միջերկրական ծովերի ջրերի նկատմամբ իրավունքների շուրջ: Այս տարի հակասությունները դիվանագիտական ճգնաժամի վերաճեցին այն բանից հետո, երբ Թուրքիան սեյսմիկ հետախուզության նավեր ուղարկեց Հունաստանի ափամերձ ջրեր:

Անցյալ շաբաթ Եվրամիությունը Կիպրոսի ափերին ապօրինի հորատման համար թուրք պաշտոնյաներին ներառեց 2019 թվականի պատժամիջոցների ցուցակում: