Արցախում սկսվել է տարածքների ականազերծումը

Չճանաչված Լեռնային Ղարաբաղի Հանրապետության տարածքներում սկսվել է հումանիտար ականազերծումը. լրագրողներին հայտնել է ռուսական ռազմական զորախմբի ինժեներական ծառայության պետ, փոխգնդապետ Պավել Պաուտովը:

«Այսօրվանից սակրավորները սկսել են տարածքի մարդասիրական ականազերծումը: Առաջին փուլում նրանք կստուգեն տարածքում պայթուցիկ նյութերի առկայությունը, որտեղ հետագայում կկառուցվեն ռուսական ռազմական կոնտինգենտի ստացիոնար կայաններ»,- ասել է գնդապետը:

«Մարդասիրական ականազերծումն իրականացվում է ԼՂՀ վարչակազմի խնդրանքով: Կարող է լինել հողային կալվածքներ, մասնավոր հողամասեր: Ինժեներական հետախուզությունն իրականացվում է Ռուսաստանի ռազմական զորախմբի շահերի նկատառմամբ՝ որտեղ շարժվում է մեր ռազմական տեխնիկան»,- հավելել է Պաուտովը: