Արցախում Սերժ Սարգսյանը տարածքների հանձնման հարց չի քննարկել. Բալասանյան

ՊՊԾ գնդի տարածքում լրագրողների հետ ճեպազրույցում Արցախի հերոս, գեներալ Վիտալի Բալասանյանը, պատասխանելով լրագրողների հարցին, հայտարարեց, որ տարածքների հանձնման գործըմնթաց չի գնում ւ նման հարց չի քննարկվել: Նա հայտնեց, որ Սերժ Սարգսյանն օրերս Արցախում էր եւ ԼՂՀ ղեկավարության հետ նույնպես տարածքների հանձնման հարց չի քննարկվել:

«Նախ այն տարածքները, որ գտնվում է ԼՂՀ վերահսկողության տակ, ՀՀ-ն երաշխավոր է մեր անվտանգության, այդ տարածքներում կան բնակիչներ, ո՞նց եք պատկերացնում հանձնումը: Կարող է քննարկվել, բանակցային սեղանների վրա դրվի, բայց ես  համոզված եմ, որ Արցախի ժողովուրդը, Հայաստանի ժողովուրդը, համայն հայությունը  չի գնա նման քայլի: Մենք ժամանակին զիջումներ արդեն կատարել ենք»,- ասաց Բալասանյանը: