Լավրովը պաշտպանել է ՅՈՒՆԵՍԿՕ-ի ղեկավարի`Արցախ առաքելություն ուղարկելու գաղափարը

Ռուսաստանի արտգործնախարար Սերգեյ Լավրովը և ՅՈՒՆԵՍԿՕ-ի գլխավոր տնօրեն Օդրի  Ազուլայը ուրբաթ հեռախոսով քննարկել են ԼՂ հակամարտության գոտում հումանիտար իրավիճակը կարգավորելու` ՅՈՒՆԵՍԿՕ-ի ներուժի օգտագործման հնարավորությունները. հայտնում է «ՌԻԱ Նովոստին»։

«Քննարկվել են Ռուսաստանի և ՅՈՒՆԵՍԿՕ-ի համագործակցության արդիական հարցեր: Հատուկ ուշադրություն է դարձվել ՅՈՒՆԵՍԿՕ-ի ներուժի օգտագործման հնարավորություններին` Լեռնային Ղարաբաղի հակամարտության գոտում հումանիտար իրավիճակի լուծմանը, մասնավորապես`ռազմական գործողությունների և վանդալիզմի գործողությունների արդյունքում տուժած մշակութային հուշարձանների և կրոնական վայրերի պաշտպանության և պահպանության ոլորտում: Ռուսական կողմը աջակցություն է հայտնել Օդրի Ազուլայի`տարածաշրջան նախնական առաքելություն ուղարկելու նախաձեռնությանը` շահագրգիռ կողմերի հետ համաձայնեցնելով վերոհիշյալ տարածքներում աշխատելու գործնական հնարավորությունները ուսումնասիրելու համար»,- ասվում է հայտարարության մեջ: