Ռուսաստանի և Թուրքիայի զինված ուժերը կմասնակցեն Ղարաբաղում «անվտանգության ապահովմանը». Ալիև

Ադրբեջանի նախագահ Իլհամ Ալիևը հայտարարել է, որ Ռուսաստանի և Թուրքիայի զինված ուժերը մասնակցելու են Լեռնային Ղարաբաղում «ադրբեջանցիների և հայերի անվտանգության ապահովման գործողություններին»:

Նրա խոսքով՝ տարածաշրջանի բոլոր երկրները սատարել են Ռուսաստանի, Ադրբեջանի եւ Հայաստանի ղեկավարների համատեղ հայտարարությանը Լեռնային Ղարաբաղի գոտում հրադադարի մասին: «Մեր բոլոր հարևանները հայտնել են իրենց աջակցությունը: Եվ մեր հարևաններից երկուսը` Ռուսաստանը և Թուրքիան, կմասնակցեն ադրբեջանցիների և հայերի անվտանգության ապահովման գործողություններին»,- չորեքշաբթի հայտարարել է Ալիևը Բաքվում Նիդերլանդների նոր դեսպանի հետ հանդիպման ժամանակ. հաղորդում է AzerTAc- ը։