Եմենում ՄԱԿ-ի 7 աշխատակից է մահացել կորոնավիրուսից

Եմենում ՄԱԿ-ի 7 աշխատակից վարակվել է նոր տիպի կորոնավիրուսով և մահացել հիվանդության բարդություններից. գրում է Asharq Al-Awsat պարբերականը։

Նշվում է՝ կազմակերպության ևս մի քանի տասնյակ աշխատակիցներ վարակված են COVID-19-ով։

Ըստ պաշտոնական տվյալների՝ երկրում գրանցվել է կորոնավիրուսի 1999 դեպք, 576 պացիենտ մահացել է, 1209-ը՝ առողջացել։ ՄԱԿ-ը ներկայացված վիճակագրությունը համարում է ոչ օբյեկտիվ, քանի որ երկրում բավարար քանակով թեստավորում չի իրականացվում։

Հիշեցնենք՝ ավելի վաղ ՄԱԿ-ը Եմենն անվանել էր կորոնավիրուսից մահացության ամենաբարձր ցուցանիշով երկիր, քանի որ Ադենում վարակվածների 17 տոկոսը մահանում է COVID-19-ի հետևանքով վրա հասած բարդություններից: