Աֆղանստանում ՄԱԿ-ի 3 աշխատակից է զոհվել

Երեկ աֆղանական Կանդահար քաղաքում` ՄԱԿ-ի գրասենյակի մոտ, թալիբների հետ 7 ժամ տեւած փոխհրաձգության հետեւանքով զոհվել է 5 մարդ, այդ թվում` ՄԱԿ-ի 3 աշխատակից, 2-ը վիրավոր են:

Առավոտյան ՄԱԿ-ի փախստականների գործերով վարչության անցակետում մահապարտը ավտոմեքենա է պայթեցրել, ինչից հետո երեք գրոհային ներխուժել են այն տարածքը, որտեղ գտնվում են մի քանի միջազգային կազմակերպությունների գրասենյակները. տեղեկացնում է gazeta.ru-ն:

Հարձակման պատասխանատվությունը ստանձնել է «Թալիբան» արմատական խմբավորումը:

Ի դեպ, շաբաթ օրը Աֆղանստանի մայրաքաղաք Քաբուլում մահապարտի հարձակման հետեւանքով զոհվել էր ՆԱՏՕ-ի 13 զինվոր: