կարևոր
1342 դիտում, 1 շաբաթ առաջ - 2024-04-02 21:24
Աշխարհ

Պատերազմի սկզբից ի վեր Գազայի հատվածում զոհվել է մարդասիրական կառույցի մոտ 200 աշխատակից. ՄԱԿ

Պատերազմի սկզբից ի վեր Գազայի հատվածում զոհվել է մարդասիրական կառույցի մոտ 200 աշխատակից. ՄԱԿ

ՄԱԿ-ի բարձրաստիճան պաշտոնյա, Գազայում մարդասիրական օգնության համակարգող Ջեյմի ՄաքԳոլդրիկը հայտարարել է, որ գոտում քաղցը մեղմացնելուն օգնող բարեգործական խմբի յոթ աշխատակիցների սպանությունը եզակի դեպք չէ:

«2023 թվականի հոկտեմբերից մինչև մարտի 20-ը Գազայում սպանվել է մարդասիրական կառույցի առնվազն 196 աշխատակից»,- ասված է Ջեյմի ՄաքԳոլդրիկի հայտարարությունում: «Սա գրեթե երեք անգամ ավելի է, քան ցանկացած հակամարտության ժամանակ մեկ տարվա ընթացքում զոհվածների թիվը»:

ՄԱԿ-ի բարձրաստիճան պաշտոնյան շեշտել է, որ Գազայի հատվածը դարձել է աշխարհի ամենավտանգավոր և աշխատանքի համար բարդ վայրերից մեկը։ «Գազայում ոչ մի ապահով վայր չի մնացել»,- հավելել է նա։

Իսրայելն ավելի վաղ հայտարարել էր, որ սխալմամբ օդային հարված է հասցրել «World Central Kitchen» ամերիկյան կազմակերպության յոթ աշխատակիցների ուղղությամբ, որոնք ծովով առաքված սնունդը բեռնաթափում էին պատերազմից տուժած Գազայի հատված:

Ջեյմի ՄաքԳոլդրիկը  խոստացել է հետաքննել միջադեպը: