ՏԵՍԱՆՅՈՒԹ․ Սպասում ենք՝ Հայաստանում Սահմանադրությունը փոխեն, հետո համահունչ Սահմանադրություն ունենանք․ Բաբայան

Սահմանադրության փոփոխման խնդիրը Արցախի ԱԽՔ Սամվել Բաբայանի և նախագահ Արայիկ Հարությունյանի կուսակցության միջև կնքված հուշագրի կետերից մեկն է. ըստ Yerkir.am-ի՝ ասաց Սամվել Բաբայանը Արցախի ԱԺ պատգամավորների հետ հանդիպման ժամանակ։

Նա հիշեցրեց, որ Հայաստանում մշակվում  է նոր Սահմանադրություն։ «Մենք սպասում ենք՝ իրենք փոխեն, հետո համահունչ Սահմանադրություն ունենանք, որ չհակասենք»,- ասաց Բաբայանը։

Պատգամավորներից մեկը հիշեցրեց, որ Սամվել Բաբայանը հանդես էր գալիս Սահմանադրության 48-րդ կետի փոփոխության օգտին՝ հանել 10 տարվա մշտական բնակության սահմանափակումը, և հետաքրքվեց՝ այսօր իրենց քաղաքական օրակարգում այդ հարցը կա՞։

«2000 թ.-ին իմ դեմ գործած հանցագործության մասով դատախազությունում քննություն է ընթանում։ Կպարզեն, կուղարկեն դատարան, պարզ կլինի՝ ինչ է կատարվել, տեռորիստներն ովքեր են։ Երբ կբացահայտվի, այդ 10 տարվա հարցը ավտոմատ լուծում ստանում է՝ վերականգնել բոլոր իրավունքները»,- պատասխանեց Սամվել Բաբայանը։

Պատգամավորը տարակուսեց․ «Այսինքն՝ եթե դա Ձեզ չի վերաբերում, ապա այդ փոփոխությունների կարիքը չկա՞»։

Բաբայանն արձագանքեց՝ Սահմանադրությունը փոխվելու է, բայց կսպասեն՝ Հայաստանում փոփոխությունը կատարվի, այն ժամանակ  առաջարկ կանեն: «Կարող է 10-ը 5 սարքենք, բայց այդ ժամանակ կխոսենք»,- ասաց նա։

Մանրամասն՝ տեսանյութում: