Սաhակաշվիլին հայտարարել է Վրաստան վերադառնալու մասին

Վրաստանի նախկին նախագահ, իսկ այժմ Ուկրաինայի բարեփոխումների գործադիր կոմիտեի ղեկավար Միխայիլ Սահակաշվիլին հայտարարել է, որ որոշել է վերադառնալ հայրենիք. հայտնում է ՏԱՍՍ-ը։

«Ես հաստատ գիտեմ, որ որպես նախագահ իմ աշխատանքը և այն շատ բաներ, ինչ մենք այսօր ստեղծել ենք, դեռ պահպանվում և գործում են, բայց միևնույն ժամանակ, երբ լսում եմ վրացական նորություններ, հասկանում եմ և գիտեմ, որ մենք կարող ենք շատ ավելի լավ, շատ ավելի լավ ապրել: ավելի լավ, յուրաքանչյուր վրացի կարող է հարուստ լինել, և մենք կարող ենք դա անել միասին: Ես վերադառնում եմ», - հինգշաբթի հայտարարել է նա իր ֆեյսբուքյան էջում տեղադրված տեսաուղերձում:

Սաակաշվիլին վրացիներից նույնպես ներողություն է խնդրել իր նախագահության ընթացքում թույլ տված սխալների համար: «Աստված գիտի, որ ես իմ ժողովրդի համար ամենալավն էի ուզում: Ես ուզում էի, որ իմ ժողովուրդը ավելի լավ, շատ ավելի հարուստ ապրեր», - ասել է նա: Միևնույն ժամանակ, քաղաքական գործիչը Ուկրաինան անվանել է իր «երկրորդ տուն» և ասել, որ ինքը միշտ «կօգնի երկու ժողովուրդներին՝ վրացիներին և ուկրաինացիներին, էլ ավելի լավ ու հաջողակ դառնալ»:

Վրաստանի նախկին նախագահը նախկինում բազմիցս հայտարարել էր հայրենիք վերադառնալու ցանկության մասին: Անցյալ տարվա սեպտեմբերի վերջին նա հայտարարեց, որ վերադառնալու է հայրենիք 2020-ի աշնանը Վրաստանում կայանալիք խորհրդարանական ընտրություններից առաջ:

Սաակաշվիլին Վրաստանի նախագահն էր 2004 թվականի հունվարից մինչեւ 2013 թվականի նոյեմբեր: 2013 թվականին նա լքեց երկիրը իր նախագահական լիազորությունների ավարտից մի քանի օր առաջ: Դրանից անմիջապես հետո նրա դեմ հարուցվել է չորս քրեական գործ, որոնցից երկուսով նա արդեն դապարտվել է: Վրաստանի նախկին նախագահին սպառնում է 11 տարվա ազատազրկում: