Սաhակաշվիլին անհանգստացած է Ռուսաստանի հետ Վրաստանի մերձեցմամբ՝ ԵՄ-ին ինտեգրվելու հաշվին

Վրաստանը կորցնում է Արևմուտքի աջակցությունը և գնալով ավելի է մոտենում Ռուսաստանին. հայտարարել է երկրի նախկին նախագահ Միխեիլ Սաhակաշվիլին Facebook-ում հրապարակած` իր «արևմտյան մանիֆեստում»։

Սահակաշվիլիի խոսքով՝ Վրաստանում իբր ավելի բարձր են հնչում «Ռուսաստանի հետ հարաբերությունների խորացման և դիվանագիտական սահմանափակումների վերացման մասին խոսակցությունները»։

Նրա կարծիքով՝ իբր երկիր են ներմուծվել մեծ թվով «ռուսական հատուկ ծառայությունների գործակալներ», իսկ վրացական հեռուստառադիոտարածքը լցվել է ռուսական «բովանդակությամբ ու քարոզչությամբ»։

Նախկին նախագահի խոսքով՝ նավարկության տերմինալների և խորջրյա նավահանգստի նախագծերը, որոնք պետք է «պատուհան դառնան դեպի Եվրոպա», կրճատվել են, իսկ փոխարենը «գլխավոր ենթակառուցվածքային նախագիծը»  Թբիլիսիի համար դարձել է «ոչ տնտեսական նշանակություն ունեցող» նոր ճանապարհների կառուցումը դեպի Ռուսաստան: