4 տարի առաջ - 2020-08-20 22:50 
ՌԴ նախագահի խոսնակ Դմիտրի Պեսկովն անդրադարձել է ընդդիմադիր գործիչ Ալեքսեյ Նավալնու բուժմանը, վստահեցնելով, որ եթե առողջապահության նախարարություն համապատասխան դիմում ստացվի նրան արտասահմանյան հիվանդանոց տեղափոխելու մասին, իշխանություններն օպերատիվորեն կդիտարկեն այն: Այս մասին հաղորդում է ТАСС գործակալությունը:
Պատասխանելով Նավալնու հնարավոր թունավորման մասին հարցին՝ Կրեմլի ներկայացուցիչը ասել է, որ «հետազոտությունների արդյունքները դեռ չկան»: «Հետևաբար, բոլոր ենթադրությունները միայն ենթադրություններ են այն մասին, թե եղել է արդյոք դա թունավորում: Այն պետք է հաստատվի լաբորատոր եղանակով, պետք է սպասել հետազոտությունների արդյունքներին»,- նշել է Պեսկովը:
«Սպասենք արդյունքներին: Կարծում եմ, որ բժիշկներն ամեն ինչ անում են հիվանդի բուժման համար, անում են ամեն անհրաժեշտը»,- ասել է Պեսկովը՝ հավելելով, որ իրավապահ մարմինները հետաքննություն կիրականացնեն, եթե հետազոտության արդյունքները հաստատեն, որ Ալեքսանդր Նավալնին թունավորվել է:
2024-11-22 11:43
