Պեկինը շարունակում է նախապատրաստվել Ձմեռային օլիմպիական խաղերին

Վերակառուցումից հետո շահագործման է հանձնվել Հյուսիսային Չինաստանի Հեբեյ նահանգի Նինյուան օդանավակայանը։ Այս մասին հայտնում է ՀԱՕԿ-ը:

Այն «Պեկին-2022» ձմեռային օլիմպիական խաղերի ենթակառույցներից մեկն է։ Պատրաստ են նոր տերմինալը, շտապ օգնության կենտրոնը, ինքնաթիռների կայանատեղին, երկարացված թռիչքուղին և այլ շինություններ:

Արդիականացումից հետո օդանավակայանը կարող է սպասարկել տարեկան 1 միլիոն ուղևորի: Վերակառուցումը, որի համար ներդրվել է գրեթե 186 միլիոն դոլար, սկսվել է 2018թ․։ Նախորդ դեկտեմբերից գործում է նաև արագընթաց երկաթուղին։

24­-րդ Ձմեռային օլիմպիական խաղերը կանցկացվեն Չինաստանում 2022թ․ փետրվարի 4-20-ը: