ԱՄՆ-ն Գերմանիայից դուրս է բերում գրեթե 12 հազար զորք

ԱՄՆ ուժերի շտաբը Գերմանիայից տեղափոխվել է Բելգիա. այդ մասին հայտնել է ԱՄՆ-ի Եվրոպական ուժերի զորքերի հրամանատար, Դաշնակցային ուժերի գերագույն հրամանատար, գեներալ Թոդ Ուոլթերսը:

«Ինչ վերաբերում է Եվրոպական հրամանատարության շտաբի գտնվելու վայրին: Այժմ, ինչպես գիտեք, այն գտնվում է Շտուտգարտում (Գերմանիա): Մի շարք հարցերի լուծումից հետո մենք ակնկալում ենք, որ այն տեղափոխվի Բելգիայի Մոնս քաղաք», - ասել է Ուոլթերսը մամուլի ասուլիսում:

Ասուլիսի ընթացքում Պենտագոնի ղեկավար Մարկ Էսպերն նշել է, որ Միացյալ Նահանգները Գերմանիայից դուրս կբերի 11,9 հազար զորք, նրանց 6.4 հազարը կվերադառնա տուն, իսկ մնացածը կմնան ՆԱՏՕ-ի այլ երկրներում, ներառյալ Բելգիայում և Իտալիայում: