ԱՄՆ-ն, ընդունելով առաքելության ձախողումը, զորքերը դուրս է բերում Աֆղանստանից. Լավրով

ԱՄՆ-ն իր զորքերը դուրս է բերում Աֆղանստանից՝ այդպիսով ճանաչելով իր պարտությունը. Հեռավոր Արևելքի դաշնային համալսարանում ելույթ ունենալիս ասել է Ռուսաստանի արտգործնախարար Սերգեյ Լավրովը. հաղորդում է «ՌԻԱ Նովոստին»:

Միևնույն ժամանակ, ՌԴ ԱԳՆ ղեկավարը նշել է, որ Աֆղանստանում ամերիկյան ռազմական զորակազմի դուրսբերման լույսի ներքո ահաբեկչական հարձակումների վտանգը մեծանում է: Լավրովի խոսքով՝ դա պայմանավորված է Աֆղանստանում անցումային կառավարություն կազմելու դժկամությամբ, չնայած ձեռք բերված պայմանավորվածություններին, ինչպես նաև փաստով, որ Վաշինգտոնը թողնում է այս երկրում իրավիճակի ռազմական լուծման հնարավորություն:

Նախարարը շեշտել է, որ Աֆղանստանում քաղաքական գործընթացում առաջընթացի բացակայության արդյունքում ստեղծվում են խորշեր, որոնք ներգրավում են «Իսլամական պետության» գրոհայիններին: «Ավելին՝ ԻՊ-ը նպատակային տեղակայված է Աֆղանստանի հյուսիսային նահանգներում՝ մեր դաշնակիցների հետ սահմանին»,- ասել է Լավրովը: