Թուրքիան Իրանի հետ սահմանը պաշտպանելու համար ներգրավել է 20 հազար զորք, այդ թվում` հատուկջոկատայինների, և ԱԹՍ-ներ

Թուրքիան Իրանի հետ պետական սահմանը շուրջօրյա պաշտպանելու համար ներգրավել է մինչև 20 հազար ռազմական անձնակազմ, ներառյալ` հատուկ նշանակության ջոկատները:

Ըստ Թուրքիայի անվտանգության կառույցներում Anadolu-ի աղբյուրների՝ միայն այս տարվա առաջին կիսամյակում կանխվել է պետական սահմանը խախտելու 51122 փորձ, 523 իրավախախտ ձերբակալվել է:

Թուրքիայի և Իրանի սահմանը ներկայումս մասամբ փակված է մոդուլային բետոնե բլոկների պատով, որի երկայնքով տեղակայված են էլեկտրաօպտիկական սարքավորումներով աշտարակներ:

Բացի դրանից` երկնքում սահմանի երկայնքով շուրջօրյա հերթապահում են անօդաչու թռչող սարքեր, ինչը հնարավորություն է տալիս նվազագույնի հասցնել անօրինական միգրանտների հոսքը: