Բայդենը առաջ է անցել Թրամփից երեք հիմնական նահանգներում

ԱՄՆ-ի դեմոկրատական կուսակցության նախագահի թեկնածու Ջո Բայդենը երեք հիմնական նահանգներում առաջ է անցել հանրապետական կուսակցությունից իր մրցակից և գործող նախագահ Դոնալդ Թրամփից. այս մասին են վկայում CNN-ի հարցման արդյունքները։

Մասնավորապես, Արիզոնայում հարցվածների 49% -ը աջակցում է Բայդենին, 45% -ը՝ Թրամփին: Ֆլորիդայում հարցվածների 51% -ը Բայդենի կողմնակիցն է, 46% -ը՝ Թրամփի։

Միչիգանում տարբերությունն առավել զգալի է․ այնտեղ Բայդենին աջակցում է հարցվածների 52% -ը՝ ընդդեմ Թրամփի 40% -ի։ 

Հիշեցնենք՝ 2016-ի նախագահական ընտրություններում Դոնալդ Թրամփը հաղթել է բոլոր երեք այս նահանգներում:

Այս տարի ԱՄՆ նախագահի ընտրությունները տեղի կունենան նոյեմբերի 3-ին: