Հայկական 17 գերեզմանատներ գրանցւել են Իրանի ազգային յուշարձանների ցանկում

Իրանի Չհարմահալ եւ Բախտիարի նահանգում գնտւող, երբեմնի հայահոծ Չհարմահալ գաւառի 17 գիւղերի հայկական գերեզմանատներ ներառւել են Իրանի ազգային ժառանգութեան ցուցակում: Այս մասին ըստ IRIBNEWS.IR-ի՝ յայտնել է նահանգի Մշակութային ժառանգութեան եւ զբօսաշրջութեան հարցերով ղեկավար Մեհրդադ Ջաւադին:

Ընդգծելով երկրի հոգեւոր, ազգային ու մշակութային ժառանգութեան պահպանման կարեւորութեան հարցերը Մեհրդադ Ջաւադին, մասնաւորապէս, շեշտադրել է Չհարմահալ եւ Բախտիարիում գտնւող հայկական գերեզմանատների պատշաճ պահպանման, այդ տարածքների կանաչափատման, լուսաւորութեան ապահովման, ճանապարհների վերանորոգման անհրաժեշտութեան խնդիրները:

alikonline.ir