Իրանի ՆԳ նախարարն ու ևս 11 պաշտոնյա հայտնվել են ԱՄՆ նոր պատժամիջոցների ցանկում. Իրանը մեկնաբանել է

Իրանի Ներքին գործերի նախարար Աբդոլռեզա Ռահմանի Ֆազլիին և ևս 11 իրանցի գործիչներ հայտնվել են Իրանի դեմ ԱՄՆ նոր պատժամիջոցների ցանկում. հայտնում է «ՌԻԱ Նովոստին»։

 Ըստ ԱՄՆ պետքարտուղար Մայք Պոմպեոյի՝ պատժամիջոցների պատճառը մարդու իրավունքների խախտումն են նշված գործիչների կողմից։ Մասնավորապես Ֆազլիին մեղադրվում է Իրանում 2019 թ. տեղի ունեցած ցույցերի ժամանակ ցուցարարների նկատմամբ բռնություն գործադրելու մեջ։

Իրանի ԱԳՆ պաշտոնական ներկայացուցիչ Աբբաս Մուսավին հայտարարել է, որ ԱՄՆ-ի այս քայլը ցույց տվեց դրանից առաջ գործադրված պատժամիջոցների անարդյունավետությունը։

«ԱՄՆ ռեժիմի անօգուտ, կրկնվող և կույր պատժամիջոցները ՆԳՆ ղեկավարի, իրավապահ ուժերի հրամանատարի և այլ մեր պաշտոնյաների դեմ, ցույց է տալիս ԱՄՆ ռեժիմի թուլությունն ու հուսահատություն», - գրում է Մուսավին։