Բրազիլիայում վերացվել է հանրային վայրերում դիմակ դնելու պարտադիր բաղադրիչը

Կորոնավիրուսից ամենից շատ տուժած երկրներից մեկի՝ Բրազիլիայի նախագահ Ժաիր Բոլսոնարուն վետո է դրել հանրային վայրերում, մասնավորապես՝ խանութներում, եկեղեցիներում ու դպրոցներում պարտադիր դիմակ դնելու մասին օրենքի վրա:

Այսպիսով, դիմակից հրաժարվողներին չեն կարող տուգանել: Երկրի Կոնգրեսը 30 օրվա ընթացքում կարող է չեղարկել նախագահի կողմից դրված վետոն: Թեեւ վարակվածության ու մահացության դեպքերի թվով Բրազիլիան երկրորդն է աշխարհում, այնուամենայնիվ Բոլսոնարուն հրաժարվել է ընդունել երկրում Covid-19 բռնկման լրջությունը:

Մինչ օրս Բրազիլիայում ավելի քան 1.543.341 մարդ է վարակվել կորոնավիրուսով, մահացել 63,254-ը։