Դատարանը պարտավորեցրել է Բրազիլիայի նախագահին դիմակ կրել հանրային վայրերում

Բրազիլիայի դաշնային դատավոր Ռենատո Բորելին որոշում է կայացրել, որի համաձայն, պետական պաշտոնյաները, այդ թվում նախագահ Ժաիր Բոլսոնարուն, պարտավոր են դիմակ կրել հասարակական վայրերում: Օրինախախտները, անկախ պաշտոնից, կտուգանվեն 2 հազար բրազիլական ռեալով (մոտ 400 դոլար). գրում է The Guardian-ը։ 

Իր կողմնակիցների հետ հանդիպումների ընթացքում Բոլսոնարուն բազմիցս հայտնվել է հասարակության մեջ առանց դիմակի: Հանրահավաքներից մեկի ժամանակ նրան լուսանկարել են այն պահին, երբ հազում էր առանց բերանը ծածկելու, մեկ այլ դեպքում`ձեռքի ափի մեջ փռշտալով և անմիջապես հետո՝ ձեռքով ողջունելիս տարեց կնոջը:

Հիշեցնենք՝ այս պահի դրությամբ Բրազիլիան աշխարհում երկրորդ տեղում է կորոնավիրուսի վարակի դեպքերի թվով. երկրում ավելի քան մեկ միլիոն դեպք է գրանցվել: