Վաշինգտոնն ընդլայնել է Իրանի դեմ պատժամիջոցային ցուցակը

ԱՄՆ ֆինանսների նախարարությունն Իրանի դեմ պատժամիջոցային ցուցակում ընդգրկել է ևս 45 իրանցու, մեկ լիբանանցու և 4 ընկերություն. հայտնում է  նախարարությանը կից գործող Օտարերկրյա ակտիվների վերահսկման վարչությունը՝ նշելով, որ նրանք մեղադրվում են կիբերհանցագործությունների մեջ։ 

Մանրամասնվում է՝ պատժամիջոցներ են սահմանվել իրանական կիբերխմբի նկատմամբ․ «Իրանական կառավարությունը երկար տարիներ օգտագործում է վնասակար ծրագիր՝ իրանցի ակտիվիստներին, լրագրողներին և միջազգային կազմակերպությունների հետապնդելու նպատակով»։

Պատժամիջոցների ցուցակում են հայտնվել նաև Arch Consulting և Meamar Construction ընկերությունները. այս կազմակերպություններին պաշտոնական Վաշինգտոնը մեղադրում է «Հըզբոլլահի» հետ կապերի մեջ։

Ցուցակում հայտնված ֆիզիկական և իրավաբանական անձանց հետ բոլոր գործարքներն արգելվում են, համապատասխանաբար՝ նրանց ակտիվներն ԱՄՆ տարածքում՝ սառեցվում։