ՏԵՍԱՆՅՈՒԹ․ Չի կարող Փաշինյանը ինչ-որ պահի որոշել, որ կաթողիկոս է դառնում․ ՀՀԿ երիտասարդականը նամակ հանձնեց ԵՄ դեսպանին

Շատ շուտով գալու է գործողությունների ժամանակը, բայց սյուրպրիզը դեռ կպահենք իշխանությունների համար՝ ըստ Yerkir.am-ի հայտարարեց ՀՀԿ երիտասարդական կառույցի ղեկավար Հայկ Մամիջանյանը լրագրողների հետ զրույցում։

ՀՀԿ երիտասարդականը բողոքի երթով եկել էր ՀՀ-ում ԵՄ գրասենյակ՝ նամակ հանձնելու ՀՀ-ում ԵՄ դեսպանին։

Հայկ Մամիջանյանը նամակը հանձնելիս ասաց, որ դեսպանի լռությունը Հայաստանում կատարավող ներքաղաքական գործընթացների մասին անթույլատրելի է։

ՀՀԿ երիտթևի ղեկավարը հայտնեց, որ նամակում ՍԴ շուրջ կատարվող ապօրինի գործընթացի և ՍԴ նախագահի դեմ արշավի իրավական ու քաղաքական անթույլատրելիության մասին է։

Նույն բովանդակությամբ նամակ հանձնելու են նաև եվրոպական երկրների 20-ից ավելի դիվանագիտական ներկայացուցչությունների։

«100 ակտիվիստներով նամակներ ենք հանձնելու ԵՄ պատվիրակությանը, ԵԱՀԿ երկրների դեսպանատներին, ՄԱԿ-ի գրասենյակին՝ իրավական և քաղաքական ամենաթողության վերաբերյալ»,-ասաց Մամիջանյան

Չի կարող Նիկոլ Փաշինյանը ինչ-որ պահի որոշել, որ կաթողիկոս է դառնում՝ հայտարարեց Հայկ Մամիջանյանը։

Մանրամասն՝ տեսանյութում․