Ամերիկացի սատանիստ-զինվորը փորձել է նոր պատերազմ հրահրել Մերձավոր Արևելքում

Ամերիկացի  զինծառայողը փորձել է  ստիպել իսլամական ծայրահեղականներին`  հարձակվել իր ստորաբաժանման վրա. ըստ yerkir.am-ի` տեղեկացնում է շվեդական Svenska Dagbladet թերթը:

Ըստ պարբերականի` զինվորը հույս է ունեցել, որ իր գործողություններով նոր պատերազմ կհրահրի Մերձավոր Արևելքում:

Ներկայումս 22-ամյա զինվորը ծառայության է անցել ԱՄՆ բանակում 2018  թվականին, իսկ 2019-ին դարձել է նեոնացիստների և սատանիստների շարժման անդամ:

Զինծառայողը Իտալիայի Վիչենցե բնակավայրում եղել է ամերիկյան զորամիավորման կազմում և կապ է հաստատել մի մարդու հետ, որը, նրա կարծիքով, ջիհադական խմբավորումներից է եղել: Նա տեղեկություններ է տրամադրել իր` Թուրքիա ուղարկվելիք զինվորական ստորաբաժանման տեղաշարժերի մասին: Ամերիկացի զինծառայողը պնդել է, որ «ջիհադական» հարձակում է հարկավոր իրականացնել, սակայն  զինծառայողի զրուցակիցը եղել է Հետաքննությունների դաշնային բյուրոյի գործակալ:

Ներկայումս տղամարդը մեղադրվում է իր գործընկերների սպանության կազմակերպման փորձի, նաև ահաբեկիչներին օգնություն ցուցաբերելու մեջ: Նրան սպառնում է ցմահ բանտարկություն: