Նոր Զելանդիայում 24 օրվա ընթացքում առաջին անգամ կորոնավիրուսով վարակման 2 նոր դեպք ի հայտ եկել

Նոր Զելանդիայում 24 օրվա ընթացքում առաջին անգամ կորոնավիրուսով վարակման 2 նոր դեպք են հայտնաբերել. այս մասին հայտնում է երկրի առողջապահության նախարարությունը, գրում է ՏԱՍՍ-ը, նշելով՝ վարակվածների թիվը հասել է 1506-ի։

Ըստ գերատեսչության տվյալների՝ վարակվածները Նոր Զելանդիա են ժամանել Մեծ Բրիտանիայից, որպեսզի մասնակցեն իրենց մտերիմ մարդու հուղարկավորությանը: Նրանք գտնվել են մեկուսացման մեջ եւ չեն շփվել մտերիմների հետ: Ախտորոշումից հետո տեղափոխվել են հատուկ կարանտինային կենտրոններ, որտեղից կարող էին դուրս գալ միայն ապաքինումից հետո:

Նախարարությունը միևնույն ժամանակ նշել է, որ մայիսի 25-ից երկրում կորոնավիրուսից մահվան դեպքեր չեն գրանցվել:

Ընդհանուր առմամբ մահացել է 22 մարդ: Ապաքինվել է 1482 մարդ: