Մոսկվայում մեկ օրվա ընթացքում կորոնավիրուսով վարակման 536 նոր դեպք է գրանցվել

Մոսկվայում մեկ օրում գրանցվել է կորոնավիրուսով վարակման 536 նոր դեպք. «ՌԻԱ-նովոստի»-ի փոխանցմամբ՝ հայտնում է Yerkir.am-ը:

«Ապրիլի 3-ի դրությամբ անցկացվել է 207 483 թեստավորում, հաշվի առնելով նաև կորոնավիրուսով վարակման բարձր մակարդակ ունեցող երկրներից ժամանած մարդկանց թեստավորումը»,-նշված է ՌԴ սպառողների իրավունքների պաշտպանության և մարդու բարեկեցության ոլորտում վերահսկողության դաշնային ծառայության հայտարարության մեջ:

Մոսկվայում ընդհանուր առմամբ հաստատվել է կորոնավիրուսով վարակման 3893 դեպք:

 Առողջապահության համաշխարհային կազմակերպությունը մարտի 11-ին նոր կորանավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 1 203 140 դեպք, 64 744-ը՝ մահվան ելքով, ապաքինվել է 246 760 մարդ։