Հայտնաբերվել է Covid-19-ի 6 տեսակ

Աշխարհի տարբեր ծագերից ստացված` ավելի քան 10 հազար փորձանմուշ ուսումնասիրելով` գիտնականները հայտնաբերել են դրա մի քանի տարատեսակներ: Համապատասխան հետազոտության արդյունքները, ըստ yerkir.am-ի, հրապարակված են bioRxiv գիտական էլեկտորնային գրադարանում:

Նոր ալգորիթմի շնորհիվ մասնագետներն ուսումնասիրել են SARS-CoV-2-ի 10,4 հազար շտամ և հայտնաբերել այդ վիրուսի 6 կլոնային խմբեր, որոնք տարածված են աշխարհում:

Ըստ գիտնականների կորոնավիրուսի հարուցիչը մուտացիայի է ենթարկվում նույն արագությամբ, ինչ գրիպինը: Սակայն նրանք դեռևս չեն կարող ասել, թե ինչպես են այդ փոփոխություններն ազդում  վիրուսի վարակիչ լինելու և այլ հատկանիշների վրա:

2019 թվականի դեկտեմբերի  31-ին Չինաստանի իշխանությունները հայտարարեցին Ուհան քաղաքում թոքաբորբի բռնկման մասին: Հիվանդության հարուցիչը նոր տիպի SARS-CoV-2 կորոնավիրուսն է, որը տարածվել է ամբողջ աշխարհում, և համավարակ է հայտարարվել: