Գերասը տեսակ է, դաշնակցական տեսակ, և դրա համար է նա ձերբակալվում. դիտարկում

Թե՛ երեկ, թե՛ այսօր, թե՛ վաղը ես միշտ խորը հարգանք եմ ունեցել ՀՅԴ-ի երիտասարդների նկատմամբ։ Քաղաքականությունը մի կողմ դնելով՝ ես էդ երիտասարդների շարքերում միշտ տեսել եմ մարդկանց, ովքեր ԳՈՐԾՈՎ են ապացուցում իրենց նվիրումն ու ահռելի հայրենասիրությունը։ Պատերազմ էր, առաջին կազմակերպված երիտասարդների վաշտը, որ ես տեսա ՀՅԴ-ինն էր, և առհասարակ, որտեղ կախվում է հայրենիքի գոյաբանական խնդիրների հարցերը, այնտեղ դաշնակ երիտասարդ է հայտնվում։ Երեկ Ֆրանսիայի հրապարակի օդը թնդում էր երիտասարդների շնչով, միաձայն, խրոխտ, հզոր երգում էր դաշնակցական երիտասարդը։ Մի քանի ժամ երգեցին, բոլոր երգերը՝ ոգևորող, հզոր, պարտավորեցնող ու թվում էր, որ էդ մարդիկ չեն իմանում՝ հոգնելն ինչ բան է։ Տպավորություն չկար, որ գիշերվա 4ին երգող առույգ դաշնակցականը անցել է տասնյակ կիլոմետրեր, պատրաստել է վրան, խարույկ է վառել, կազմակերպել է երթ, ակցիա և այլն և այլն․․․