34 տարի անց Շվեդիայում փակել են երկրի վարչապետի սպանության գործը

Շվեդական դատախազությունն անվանել է մարդասպանի անունը, որը 1986թ.-ին գնդակահարել է երկրի վարչապետ Ուոլֆ Պալմեին. այս մասին գրում է BBC-ն։

ԶԼՄ-ի հաղորդմամբ՝ կասկածյալը Սթիգ Էնգսթրոմն է, որը ինքնասպան է եղել 2000թ.-ին: Դատախազությունն այն կարծիքին է, որ նա սպանել է վարչապետին նրա ձախակողմյան համոզմունքների պատճառով:

Քանի որ հնարավոր չէ կասկածյալին մեղադրանք ներկայացնել, գործը կարճվել է:

Հիշեցնենք՝ 1986թ.-ին Ուոլֆ Պալմեն սպանվել է կինոթատրոնից տուն գնալու ճանապարհին: Սպանությունը տեղի է ունեցել ամենամարդաշատ փողոցներից մեկում, և տասնյակ մարդիկ հանցագործության ականատես են դարձել:

Սթիգ Էնգսթրոմն աշխատել է Skandia ապահովագրական ընկերությունում, և այդ երեկո գտնվել է սպանության վայրի մոտ գտնվող գրասենյակում:

Սկզբնական շրջանում նա որպես վկա է ներգրավվել և նույնիսկ հայտարարություն է տարածել այն մասին, թե փորձել է առաջին օգնություն ցուցաբերել վարչապետին: Այնուամենայնիվ, 2000-ին նա ինքնասպան է եղել:

Նշվում է՝ սոցիալ-դեմոկրատ Ուլոֆ Պալմեն Շվեդիայի վարչապետի պաշտոնում է եղել 1969-1976 թվականներին, այնուհետև՝ 1982-1986 թվականներին։ Պահպանողականները չէին սիրում նրան հակագաղութատիրական հայացքների և Միացյալ Նահանգներին քննադատելու համար։ Որոշ շվեդներ նույնիսկ հավատում էին, որ նա ՊԵԿ գործակալ է։