Մենք թույլ չենք տվել, որ ամերիկացիները ծունկը դնեն իրանական ազգի կոկորդին. Հասան Ռոհանի

Իրանի ժողովրդի միասնությունը թույլ չի տվել Միացյալ Նահանգներին խեղդել երկրի տնտեսությունը. այս մասին հայտարարել է Իրանի նախագահ Հասան Ռոհանին։

«Մարդկանց համագործակցությունը, ինչպես նաև հասարակության մեջ առաջացած միասնությունն ու համերաշխությունը թույլ չեն տվել, որ ամերիկացիները ծունկը դնեն  իրանական ազգի կոկորդի վրա», - ասել է Ռոհանին:

Իրանի նախագահը հավելել է, որ ամերիկացիները խիստ պատժամիջոցներ են կիրառել Իրանի կառավարության և ժողովրդի դեմ «ծունկը կոկորդին» քաղաքականության շրջանակներում՝ երկրի ժողովրդին սննդի և ջրի, դեղորայքի և էլեկտրաէներգիայի հիմնական անհրաժեշտություններից զրկելու նպատակով:

Ըստ Ռոուհանիի, Իրանի կառավարությունն այժմ ոչ միայն հաղթահարել է խնդիրները «մարդկանց կյանքի հիմնական անհրաժեշտությունները բավարարելու հարցում, ներառյալ սննդի, դեղորայքի և հիմնական ծառայությունների», «այլ նաև, չնայած խիստ պատժամիջոցներին, կարողացել է փոխհատուցել տնտեսական անկումը», իսկ որոշ ոլորտներում այն հասել է աճի և բարգավաճման»:

Նշենք, որ «ծունկը կոկորդին» ասելով, Ռոհանին նկատի ունի ԱՄՆ-ի Միննեապոլիս քաղաքում մայիսին ոստիկանների կողմից սևամորթ Ջորջ Փլոյդի սպանությունը, որից հետո ամբողջ աշխարհում բողոքի ցույցեր էին սկսվել։