Պատրաստ ենք առանց նվաստացման պաշտպանել Սաուդյան Արաբիայի ժողովրդի շահերը. Հասան Ռոհանի

Իրանը պատրաստ է առանց նյութական ակնկալիքի եւ նվաստացման պաշտպանել Սաուդյան Արաբիայի ժողովրդի շահերը: Այս մասին նոյեմբերի 24-ին «Իսլամական միասնության» 32-րդ միջազգային համաժողովի բացման ժամանակ հայտարարել է Իրանի Իսլամական Հանրապետության նախագահ դոկտ. Հասան Ռոհանին:

«Մենք պատրաստ ենք, օգտագործելով մեր ողջ կարողականությունը, պաշտպանել Սաուդյան Արաբիայի ժողովորդի շահերն ահաբեկչությունից, տարածաշրջանային թշնամիներից ու գերտերություններից, այնպես, ինչպես դա արել ենք Իրաքում, Սիրիայում, Աֆղանստանում եւ Եմենում: Դրա համար մենք չենք պահանջելու 450 մլրդ. դոլար եւ չենք նվաստացնելու ձեզ: Դուք մեր եղբայրներն եք»,- ասել է Ռոհանին:

Անդրադառնալով անվտանգութեան ոլորտում Սաուդյան Արաբիայի համագործակցությանն ԱՄՆ-ի հետ՝ նա նշել է. «Դուք 450 մլրդ դոլար նվիրեցիք նրանց, եւս 110 մլրդ. դոլարի սպառազինություն գնեցիք որպեսզի ձեր անվտանգությունը երաշխավորվի: Փոխարենն ի՞նչ ասացին նրանք ձեզ. կկթենք կթու այս կովի կաթը: Եթե մենք չլինենք նրանք երկու շաբաթ էլ չեն կարող ապահովել սեփական անվտանգությունը: Սա էր նրանց պատասխանը: Գոնե հարգալից վերաբերմունք պահանջեք նրանցից: Ձեր ինչի՞ն է պետք ԱՄՆ-ը, որին նվիրում եք ձեր բոլոր շահերը»:

Նշենք, որ այսօր՝ նոյեմբերի 24-ին, Թեհրանում մեկնարկել է «Իսլամական միասնության» 32-րդ միջազգային համաժողովը: Համաժողովին մասնակցում են 100 երկրից ավելի քան 350 պատվիրակներ: